Nëse kishit menduar se meshkujt nuk ndihen në siklet gjatë takimit të parë, e keni pasur gabim.
Njësoj si femrat, edhe ata kanë pasiguri dhe tension. Për t’ju ardhur në ndihmë, po ju tregojmë disa këshilla sesi të bëni për vete vajzën që pëlqeni:
Nëse uleni
Nëse uleni për të pirë ndonjë pije, qëndroni ulur qetësisht me këmbë të shtrira. Bërrylat patjetër largojini nga trupi dhe mos tregoni shenja nervozizmi. Nëse ju jepet rasti, njërën dorë vendoseni mbi karrige, do të dukeni më të shkujdesur dhe më tërheqës.
Buzëqeshja
Buzëqeshja konstante, posaçërisht nëse bëhet dhunshëm, nuk është joshëse për femrat.
Nëse jeni në shoqëri me miq
Përdorni një shaka të mirë apo diçka ngjashme që mikut tënd t’ia rrahësh krahët. Kjo është shenjë dominimi në shoqëri.
Lëmoni mjekrën
Nëse keni gjuajtur ndonjë shikim dhe dini që po ju vështron, disa herë lëmojeni mjekrën. Kjo ka lidhje me testosteronet, kanë konstatuar shkencëtarët, mirëpo kështu do t’ia “rikujtoni” mashkullitetin tuaj.
Gjuani shikimin
Sillni shikimin “vërdallë”, mirëpo nëse e takoni me shikim në ndonjë çast, keni gjasa të mira. Mbani kontaktin me sy, jeni më joshës se meshkujt e tjerë përreth jush.
Ndiqni sinjalet e saj
Nëse të gjitha letrat i keni luajtur mirë, do të vëreni interesimin e saj ndaj jush dhe shenjat të cilat ajo tani jua dërgon juve. Nëse ngre vetullat ndërsa ju shikon, i vë flokët pas veshi, është e gatshme t’ju njohë më hollësisht.
